Хорижий фуқаролар ва фуқаролиги бўлмаган шахсларнинг Қирғизистонга кириш шартлари соддалаштирилди. Бу ҳақда ҳукумат матбуот хизмати хабар бермоқда.
Эслатиб ўтамиз, жорий йилнинг март ойи охирида хорижий мамлакатларга парвозлар тўхтатилган эди.
Ҳукуматнинг янги қарорига кўра, мамлакатга қуйидаги тоифадаги чет элликлар кириши мумкин:
Қирғизистон университетларида таҳсил олаётган чет эл фуқаролари. Улар ўқув даргоҳидан гувоҳнома кўрсатиши керак;
Қирғизистон Республикасида доимий яшаш ҳуқуқига эга чет эл фуқаролари ва фуқаролиги бўлмаган шахслар;
Тиббий муассасаларга даволаниш учун келган чет элликлар (ҳужжатлаштирилган ҳолда);
• Яқин қариндошларининг дафн маросимида қатнашиш учун келган чет элликлар. Шу билан бирга, улар яқин қариндошлик алоқалари ва ўлими тўғрисидаги гувоҳнома талаб қилинади.
Бундан ташқари, иқтисодиётни тартибга солиш доирасида чет эл фуқароларини босқичма-босқич ўтказишни жадаллаштириш тўғрисида қарор қабул қилинганлиги қайд этилди.
Эпидемиологик вазият барқарорлашишига қараб, Соғлиқни сақлаш вазирлиги хорижий мамлакатларнинг тегишли рўйхатини тасдиқлайди. У ойига икки марта – ойнинг бошида ва ўрталарида кўриб чиқилади.
Натижада рўйхатдаги чет элликлар Қирғизистон Республикаси қонунларига мувофиқ чегарани кесиб ўтишлари мумкин.
